Esta semana celebráronse en Granada ás VI Jornadas de Jóvenes Investigadores organizadas pola Federación de Jóvenes Investigadores-Precarios. Nestas xornadas houbo unha presenza relevante de investigadores galegos como participantes e como relatores. Xosé Afonso Álvarez, ex-presidente da FJI e membro de Precarios-Galicia, cóntanos o máis interesante das mesmas.
O progreso en ciencia e tecnoloxía beneficia a priori toda a humanidade. Pero no mundo actual tamén existe unha competición entre as grandes áreas económicas por ver quen gaña a carreira do I+D+i, investigación, desenvolvemento e innovación. En Europa o primeiro I, a investigación está moi desenvolvido, pola contra o i pequeno, a innovación, que é o que produce cartos, é moi cativo. Aínda máis, prevese que en 2009 China invista en ciencia tanto coma Europa. Sobre estes temas conversamos con José Manuel Silva Rodríguez, director xeral de investigación da Unión Europea.
Por outro lado, descubrimos que o Sr. Silva exerce de galego e chantadino en Bruxelas, á par do seu pasado dobarrista formando trío con Xavier Alcalá e co propio Andrés do Barro.
Na sección aleatoria coñecemos por que en determinadas páxinas web temos que transcribir un texto que aparece riscado e distorsionado pra abrir unha conta de correo electrónico ou comprar un billete de avión.
Os Blade Runner cachaban os replicantes cun test Voig-Kamf. Na vida real son os Captcha e Re-captcha.