19:00 Na intranet do CERN unha nota sucinta informa dunha fuga de helio nun dos sectores. Xa está en boca dos investigadores o alcance da avaría. A opinión xeneralizada é que o raro é que todo estivese indo tan ben ata ese momento. Poñer en marcha unha -máquina tan complexa é complicado. O LEP – o antecesor do LHC – tardou meses en conseguir que as partículas deran voltas completas ao anel, algo que o LHC conseguiu na primeira semana. Nesta máquina existen un alto número de procesos críticos que poden facer que o acelerador se estrague. Un dos posibles fallos contemplados polos técnicos é a desmagnetización súbita dun dos imán superconductores, que é o que aconteceu neste accidente.A reparación vai obrigar subir á temperatura ambiente os sectores implicados. Por cuestións de aforro económico o Gran Colisionador de Hadróns non funcionará nos invernos– a electricidade é mais cara nesta estación, e o LHC ten unha potencia de 120 MW, tanto como todas as vivendas do Cantón de Xenebra -. Así pois, non se poderá retomar a posta en marcha do acelerador ata a primavera.